FBS පරීක්ෂණය — පැය 8–10 ක් නිරාහාරව සිටීමෙන් පසු රුධිරයේ ග්ලූකෝස් ප්රමාණය මනිනවා. සාමාන්යයෙන් වැලමිටේ නහරයකින් රුධිර සාම්පලය ලබා ගන්නවා.
රචිත හා සමාලෝචිත
MBBS (Col) · MD (Col) · SLMC No. 27329 · වෛද්ය අධ්යක්ෂ, සිනෙත් හොස්පිටල්ස්
🩺 වෛද්ය සමාලෝචිත
📅 යාවත්කාලීන: මාර්තු 2026
🕐 විනාඩි 6
🔬 දළ විශ්ලේෂණය
මොකක්ද මේ FBS පරීක්ෂණය?
FBS (Fasting Blood Sugar — නිරාහාර රුධිරයේ සීනි පරික්ෂාව) යනු ඔබ පැය 8–10 ක් නිරාහාරව සිට ගත් රුධිර සාම්පලක ග්ලූකෝස් (සීනි) ප්රමාණය මනින පරීක්ෂාවකි. මෙය බහුලවම බාවිතා වන රුධිර පරීක්ෂාවන්ගෙන් එකකි.
මෙම පරීක්ෂණය කිරීමට පෙර පැය කීපයක් ඔබ ආහාර නොගෙන සිටි නිසා, ආහාර වලින් ස්වාධීනව — ශරීරය රුධිරයේ සීනි කළමනාකරණය කරන ආකාරය මෙම පරීක්ෂණයෙන් පෙන්නුම් කරයි. ඒ නිසා, රුධිර සීනි පාලනයේ ගැටළු හඳුනාගැනීම සඳහා මෙම පරීක්ෂණය බාවිතා කරයි.
මෙම පරීක්ෂණයේ ප්රයෝජන
දියවැඩියාව හදුනා ගැනීම.
පූර්ව දියවැඩියාව හඳුනාගැනීම
රුධිර සීනි පාලනය නිරීක්ෂණය
අවදානම් සාධක සහිත පුද්ගලයින් තුල රෝගය මුල් අවස්ථාවේම හදුනා ගැනීම.
FBS පරීක්ෂණයේ වෙනත් නාමකරණ ඔබේ වාර්තාවේ FBS, FBG (Fasting Blood Glucose), හෝ FPG (Fasting Plasma Glucose) ලෙස සටහන් විය හැකිය — මේ සියල්ලම මේ පරීක්ෂණයේ නම් වේ.
📋 නිර්දේශ
FBS පරීක්ෂණය කුමන අවස්ථාවල සිදු කල යුතුද?
1. දියවැඩියාවේ ලක්ෂණ ඇත්නම්
ප්රමාද නොකරන්න — පහත ලක්ෂණ ඇත්නම් හැකිය ඉක්මනින් පරීක්ෂණය කරගන්න:
නිතර මූත්රා යාම
අධික පිපාසය
හේතුව නොදන්නා බර අඩුවීම/ කෙට්ටු වීම.
අසාමාන්ය තෙහෙට්ටුව
2. රෝග ලක්ෂණ නොමැති වුවද පහත අවස්ථාවලදී මෙම පරීක්ෂණය නිර්දේශ කෙරේ.
දියවැඩියාව සහ පූර්ව දියවැඩියාව බොහෝ විට රෝග ලක්ෂණ නොපෙන්වයි. එනිසා American Diabetes Association (ADA) සහ ලෝක සෞඛ්ය සංවිධානය (WHO) හි මාර්ගෝපදේශ පදනම් කරගෙන, වයස සහ අවදානම් සාධක අනුව දියවැඩියාව කලින් හදුනාගැනීමේ අරමුණින් මෙම පරීක්ෂණය නිර්දේශ කරයි. මෙම ක්රියාවලිය ස්ක්රීනිං (screening) ලෙස හැදින්වේ.
| ස්ක්රීනිං කළ යුත්තේ කාවද? | ස්ක්රීනිං කිරීම ආරම්භ කළ යුත්තේ කවදාද? |
|---|---|
| සියලු වැඩිහිටියන් (සාමාන්ය ජනතාව) | වයස අවු: 35 න් පසු |
| අධික බර / තරබාරු + වෙනත් අවදානම් සාධකයක් ඇත්නම් | දැනගත් අවස්ථාවේ |
| අවු: 50–60 ට පෙර දියවැඩියා රෝගය සෑදුන ළගම ඥාතීන් (දෙමාපිය, සහෝදර, දරුවා) සිටින පවුලේ රෝග ඉතිහාසයක් ඇති අය | තරුණ වයසෙන් ආරම්භ කරන්න. වසර 1–3 ට වරක් නැවත පරීක්ෂණය කරන්න |
| අවු: 60න් පසු දියවැඩියාව වැළදුණු ඥාතීන් පමණක් සිටින පවුලේ රෝග ඉතිහාසයක් ඇති අය | අඩු අවදානමකි — 35 සිට සාමාන්ය පරිදි ස්ක්රීනිං කිරීම ප්රමාණවත්ය |
| අධි රුධිර පීඩනය ඇති අය | මුලින්ම අධි රුධිර පීඩනය හදුනාගත් අවස්ථාවේ, ඊට පසු වසරකට වරක් |
| ගර්භණී අවස්ථාවේ දියවැඩියාව තිබූ අය | දරු ප්රසූතියෙන් සති 6–12 කට පසු, ඉනික්බිති වසර 1–3 කට වරක් |
| ශාරීරිකව අක්රිය ආසනගත ජීවන රටාවක් ඇති අය | කලින් ස්ක්රීනිං පටන් ගත යුතුය (අධික බරක් ඇත්නම් විශේෂයි) |
3. දියවැඩියාව තහවුරු කිරීම සඳහා
ඔබේ FBS ප්රතිඵලය ≥126 mg/dL (7.0 mmol/L) නම්, එය දියවැඩියා පරාසයේ ය. කෙසේ වෙතත්, සාමාන්යයෙන් එක පරීක්ෂණ ප්රතිඵලයකින් රෝග නිර්ණයක් තහවුරු කළ නොහැකිය. ඒ සඳහා:
නැවත තහවුරු කිරීමක් අවශ්යයි
වෙනත් දිනක FBS පරීක්ෂණය නැවත කරන්න — නැතහොත් — HbA1c හෝ OGTT මගින් තහවුරු කරගන්න. දියවැඩියාවේ පැහැදිලි ලක්ෂණ ඇත්නම්, එක FBS ප්රතිඵලයක් ප්රමාණවත් විය හැකිය.
4. දැනටමත් දියවැඩියාව ඇත්නම් රෝග පාලනය අධීක්ෂණය සදහා මෙම පරීක්ෂණය බාවිතා වේ.
දැනටමත් දියවැඩියාව ඇත්නම්, FBS පරීක්ෂණය ඔබගේ ප්රතිකාර ගැලපෙන ආකාරයට වෙනස් කිරීමට ද, ඔබගේ රෝග තත්වයේ පාලනය ඇගැයීමට ද ක්රමාණුකූලව බාවිතා කරයි. නමුත් එහි සීමාවන් ද දැනගත යුතුය:
FBS පරීක්ෂණය මගින් පමණක් දිගු කාලීන අධීක්ෂණය කිරීම ප්රමාණවත් නොවේ FBS, ඔබේ රුධිර සීනි මට්ටම එක් මොහොතකට අදාළව පමණක් පෙන්වා දෙයි. පසුගිය මාස 2–3 ක කාලය තුළ රුධිරයේ සීනි මට්ටම ගැන අදහසක් ලබා ගැනීමට HbA1c පරීක්ෂණය වැදගත් වේ. එනිසා HbA1c පරීක්ෂණයද FBS සමඟ අවශ්ය වේ.
🍽️ සූදානම
FBS පරීක්ෂණයට සූදානම් වන්නේ කෙසේද?
නිවැරදි ප්රතිඵලයක් ලබා ගැනීමට නිසි සූදානම අත්යවශ්ය වේ. නිරාහාරව නිසියාකාරව සිටීමේ අඩුපාඩු, FBS ප්රතිඵලය නිරවද්ය නොවීමට ඇති ප්රධාන හේතුවකි.
සාමාන්ය ජලය පානය කළ හැකිය
තේ හෝ කෝපි වැනි පාන වර්ග නොගත යුතුය
නිරාහාර කාලයේදී දුම්පානය නොකරන්න
FBS සහ Lipid Profile පරීක්ෂණ දෙකම ඒකවර කරනවාද? ඒ දෙකම ඉල්ලා ඇත්නම්, අවම නිරාහාර කාලය පැය 8 ක් නොව පැය 9–12 ක් නිරාහාරව සිටින්න. Lipid Profile හි ට්රයිග්ලිසරයිඩ් නිවැරදි ප්රතිඵල සඳහා දිගු නිරාහාර කාලයක් අවශ්ය වේ. ඒ නිසා, පැය 9–12 ක නිරාහාර කාලයකින් පසු ලබා ගන්නා එකම රුධිර සාම්පලයකින් මෙම පරීක්ෂණ දෙකම නිවැරදි ලෙස සිදු කල හැකිය.
පරීක්ෂණය සිදු කිරීමට හොඳම වේලාව මොකක්ද? උදෑසනට සැලසුම් කරන්න. රෑ ආහාරයෙන් පසු නිරාහාරව සිටීම ආරම්භ කරන්න. එවිට නිරාහාරව සිටින කාලයෙන් බොහෝ වෙලාවක් නිදාගෙන සිටින නිසා අපහසුව අවම වේ. උදෑසනම රුධිර සාම්පල ලබා ගැනීමට යන්න. අඩුම අපහසුවකින් නිරාහාර කාලය සම්පූර්ණ කිරීමට ලේසිම සහ විශ්වාසදායකම ක්රමය මෙයයි.
නිරාහාර කාලයේ නොගත යුතු දෑ. තේ, කෝපි, පළතුරු බීම, සිසිල්/ පැණි බීම (soft drinks), කිරි, රසකැවිලි, චුවින්ගම්, දුම්පානය සහ ඕනෑම ආහාරයක් හෝ කැලරි සහිත බීමක්. ඒවා ඔබේ රුධිරයේ සීනි මට්ටම ඉහළ දමා වැරදි ඉහළ ප්රතිඵලයක් ලබා දේ.
💊 ඖෂධ
නිරාහාරව සිටින කාලය තුළ දී ඔබට නිර්දේශ කර ඇති ඖෂධ සම්බන්ධයෙන් කළ යුත්තේ කුමක්ද?
FBS පරීක්ෂණයට සූදානම් වීමේ දී ඉතාමත් වැදගත් — සහ බොහෝ විට වැරදි ලෙස වටහා ගනු ලබන — කාරණයකි මෙය. ඖෂධ වර්ගය අනුව පිළිතුර වෙනස් වේ.
දියවැඩියා ඖෂධ (පෙති සහ ඉන්සියුලින්)
රුධිර සාම්පලය ලබා ගැනීමට පෙර, උදෑසන දියවැඩියා පෙති හෝ ඉන්සියුලින් ගැනීම නොකරන්න.
පරීක්ෂණයෙන් පසු, ආහාර ගත් පසු ඒවා ලබා ගන්න.
එසේ කල යුත්තේ ඇයි? නිරාහාර කාලයේදී දියවැඩියා ඖෂධ ගැනීමෙන් රුධිර සීනි කෘත්රිමව අඩු වේ. ඒ නිසා:
• ප්රතිඵලය ව්යාජ ලෙස අඩු වේ — රෝගයේ පාලන මට්ටම පිළිබද වැරදි පින්තුරයක් මැවේ.
• ඊටත් වඩා භයානක ප්රථිපලයක් වන්නේ රුධිරයේ සීනි මට්ටම හානිකර ලෙස අඩු වීමට ඇති හැකියාවයි.
පරීක්ෂණයෙන් පසු, ආහාර ගත් පසු ඒවා ලබා ගන්න.
එසේ කල යුත්තේ ඇයි? නිරාහාර කාලයේදී දියවැඩියා ඖෂධ ගැනීමෙන් රුධිර සීනි කෘත්රිමව අඩු වේ. ඒ නිසා:
• ප්රතිඵලය ව්යාජ ලෙස අඩු වේ — රෝගයේ පාලන මට්ටම පිළිබද වැරදි පින්තුරයක් මැවේ.
• ඊටත් වඩා භයානක ප්රථිපලයක් වන්නේ රුධිරයේ සීනි මට්ටම හානිකර ලෙස අඩු වීමට ඇති හැකියාවයි.
අධි රුධිර පීඩනය සහ කොලෙස්ටෙරෝල් සදහා ලබා ගන්නා ඖෂධ
නිරාහාර කාලයේදී ජලය ස්වල්ප ප්රමාණයක් සමඟ සාමාන්ය පරිදිම ගත හැකිය.
අධි රුධිර පීඩනයට දෙන ඖෂධ (amlodipine, losartan, atenolol ආදිය) සහ කොලෙස්ටෙරෝල් ඖෂධ (statins ආදිය) රුධිර ග්ලූකෝස් මට්ටමට සැලකිය යුතු ලෙස බලපාන්නේ නැත. ඒවා නිරාහාර කාලය තුළ ගැනීම ආරක්ෂිතයි.
අධි රුධිර පීඩනයට දෙන ඖෂධ (amlodipine, losartan, atenolol ආදිය) සහ කොලෙස්ටෙරෝල් ඖෂධ (statins ආදිය) රුධිර ග්ලූකෝස් මට්ටමට සැලකිය යුතු ලෙස බලපාන්නේ නැත. ඒවා නිරාහාර කාලය තුළ ගැනීම ආරක්ෂිතයි.
වෙනත් ඖෂධ
බොහෝ ඖෂධ නිරාහාර කාලයේදී සාමාන්ය පරිදි ලබා ගත හැකිය. යම් ඖෂධයක් ගැන සැකයක් ඇත්නම්, ඔබේ වෛද්යවරයාගෙන් විමසන්න. වෛද්ය උපදෙසකින් තොරව කිසිදු අත්යවශ්ය ඖෂධයක් නොගැනීමෙන් වලකින්න.
කුමන හෝ සැකයක් ඇත්නම් ඔබේ වෛද්යවරයාගෙන් විමසන්න ඔබේ ප්රතිකාර කරන වෛද්යවරයා විසින් ඒ දිනය සඳහා ඖෂධ ගැන නිශ්චිත උපදෙස් ලබා දී ඇත්නම්, සාමාන්ය උපදෙස් නොව ඒ උපදෙස් සෑමවිටම අනුගමනය කරන්න.
📄 ප්රතිඵල
පරීක්ෂණ වාර්තාව සහ ඔබේ ප්රතිඵලය තේරුම් ගැනීම
රුධිර සාම්පලය
සාමාන්යයෙන් වැලමිටේ නහරයකින් ලබා ගන්නා රුධිර සාම්පලයක් නළයකට රැගෙන රසායනාගාරයට යවනවා. ප්රතිඵල සාමාන්යයෙන් පැය කිහිපයකින් හෝ එදින සවස නිකුත් කෙරේ.
පරීක්ෂණ වාර්තාව
ඔබේ වාර්තාවේ ප්රතිඵලය ඒකක වර්ග දෙකකින් ලබා දිය හැකිය:
නිදසුන් වාර්තා සටහන්
FBS: 95 mg/dL | හෝ | FBS: 5.3 mmol/L
දෙකම එකම අගය වේ — නමුත් වෙනස් ඒකක වලින් වේ. ශ්රී ලංකාවේ බොහෝ විට mg/dL භාවිතා කෙරේ.
දෙකම එකම අගය වේ — නමුත් වෙනස් ඒකක වලින් වේ. ශ්රී ලංකාවේ බොහෝ විට mg/dL භාවිතා කෙරේ.
යොමු අගයන්
| කාණ්ඩය | mg/dL | mmol/L |
|---|---|---|
| සාමාන්යය | <100 | <5.6 |
| පූර් ව දියවැඩියාව | 100 – 125 | 5.6 – 6.9 |
| දියවැඩියාව | ≥126 | ≥7.0 |
දියවැඩියාව නැති නම්
| ප්රතිඵලය | තේරුම | කළ යුත්තේ |
|---|---|---|
| <100 mg/dL | සාමාන්ය | නියමිත ස්ක්රීනිං පටිපාටිය අනුගමනය කරන්න |
| 100 – 125 mg/dL | පූර් ව දියවැඩියාව (අවදානම් තත්වයේ) | ජීවන රටාව වෙනස් කිරීම + මාස 3–6 කින් නැවත පරීක්ෂා කිරීම |
| ≥126 mg/dL | දියවැඩියාව විය හැකිය | නැවත FBS හෝ HbA1c / OGTT සිදු කිරීම මගින් තහවුරු කරන්න |
දියවැඩියාව ඇත්නම්
| ප්රතිඵලය | අදහස |
|---|---|
| 80 – 130 mg/dL (4.4 – 7.2 mmol/L) | ✅ ඉලක්ක ගත පරාසය ඇතුළේ — හොඳ රෝග පාලන තත්වයක් |
| ඉලක්ක ගත පරාසයෙන් ඉහළ | ⚠️ ප්රතිකාරය වෙනස් කිරීම අවශ්ය විය හැකිය — ඔබේ වෛද්යවරයා සමඟ සාකච්ඡා කරන්න |
| <70 mg/dL (<3.9 mmol/L) | 🚨 රුධිරයේ සීනි අනතුරුදායක ලෙස අඩුවීම අවදානමක් ඇත — වෛද්ය උපදෙස් ලබා ගන්න |
දියවැඩියාව ඇති රෝගීන්ගේ නිරාහාර රුධිරයේ සීනි අගය 130 mg/dL ට අඩු නම් පාලනය සතුටුදායක ලෙස සැලකේ.
මතක තබාගන්න පරීක්ෂණ වාර්තා ප්රතිඵලවලින් පමණක් සම්පූර්ණ තීරණ ගැනීම කළ නොහැකිය — ඔබේ රෝග ලක්ෂණ, අවශ්ය අනෙකුත් පරීක්ෂාවන් සහ රෝගී ඉතිහාසය සමඟ අර්ථකථනය කළ යුතුය.
🔁 පරීක්ෂණය නැවත සිදු කල යුතු කාලය
ඔබ නැවත FBS පරීක්ෂණය කළ යුතුද? තීරණය කරන්නේ මෙහෙමයි.
| තත්ත්වය | නිර්දේශය |
|---|---|
| සාමාන්ය FBS, අවදානම් සාධක නැහැ | වයස අවු. 35 සිට වසර 1–3 ට වරක් |
| සාමාන්ය FBS, නමුත් අවදානම් සාධක ඇත | වසර 1–2 ට වරක් හෝ වෛද්ය උපදෙස් අනුව |
| පූර් ව දියවැඩියාව | මාස 6–12 කට වරක් |
| දියවැඩියාව — හොඳ පාලනයක් | මාස 1–3 කට වරක් |
| දියවැඩියාව — දුර්වල පාලනයක් සහ/හෝ ප්රතිකාර වෙනස්කිරීමක් කිරීමෙන් පසු | ඔබේ වෛද්යවරයා නිර්දේශ කළ ලෙස |
පූර් ව දියවැඩියාව ආපසු හැරවිය හැකිය
ඔබේ FBS ප්රතිඵලය පූර් ව-දියවැඩියා පරාසයේ ඇත්නම්, නිතිපතා අධීක්ෂණය සහ ජීවන රටාව වෙනස් කිරීම (සෞඛ්ය සම්පන්න ආහාර ක්රම, ව්යායාම, බර අඩු කර ගැනීම) මගින් සම්පූර්ණ දියවැඩියාව වෙත ගමන් කිරීමේ අවදානම සැලකිය යුතු ලෙස අඩු කරගන්න පුළුවන්. එනිසා මෙම සීමාවේ ප්රතිඵලයක් නොසලකා හරින්න එපා.
ඔබේ FBS ප්රතිඵලය පූර් ව-දියවැඩියා පරාසයේ ඇත්නම්, නිතිපතා අධීක්ෂණය සහ ජීවන රටාව වෙනස් කිරීම (සෞඛ්ය සම්පන්න ආහාර ක්රම, ව්යායාම, බර අඩු කර ගැනීම) මගින් සම්පූර්ණ දියවැඩියාව වෙත ගමන් කිරීමේ අවදානම සැලකිය යුතු ලෙස අඩු කරගන්න පුළුවන්. එනිසා මෙම සීමාවේ ප්රතිඵලයක් නොසලකා හරින්න එපා.
❌ සාමාන්යයෙන් සිදුවන වැරදි
වැරදි සහ ඒවා වළක්ව ගන්නා ආකාර
-
නිසියාකාරව නිරාහාරව නොසිටීම — නිරාහාර කාලයේ තේ, කෝපි, බිස්කට් හෝ දුම්පානය ප්රතිඵලය දෝෂ සහිත කරයි. ආහාර සුළු ප්රමාණයක් වුවත් සීනි සහිත බීමක් වැනි දෙයක් වුවත් රුධිරයේ සීනි මට්ටම ඉහළ දමයි. එවිට FBS පරීක්ෂාව නැවත කළ යුතු වේ.
-
නිරාහාර වේලාවේ දියවැඩියා ඖෂධ ගැනීම — රුධිර සාම්පලය ලබා ගැනීමට පෙර ලබා ගත් දියවැඩියා පෙති හෝ ඉන්සියුලින් පරීක්ෂණයේ ප්රතිඵලය අඩු කරයි, රෝග පාලනයේ සත්ය ස්වභාවය වෙනස් කරයි. එසේම නිරාහාර කාලයේ එම ඖෂධ ගැනීමෙන් භයානක මට්ටමේ රුධිරයේ සීනි අඩු වීමක් ඇති විය හැකිය.
-
පූර් ව දියවැඩියාව (සීමාවේ ප්රතිඵලය) නොසලකා හැරීම — නිරාහාර රුධිරයේ සීනි මට්ටම පෙර-දියවැඩියා පරාසයේ (100–125 mg/dL) ඇත්නම් එය බරපතල අනතුරු ඇඟවීමකි. අවශ්ය ක්රියාමාර්ග නොගත්නොත් පූර් ව දියවැඩියාව ඇති බොහෝ දෙනෙකුට වසර කිහිපයක් ඇතුළත දියවැඩියාව ඇතිවේ.
🔬 ප්රධාන කරුණු — FBS පරීක්ෂණය
- FBS, දියවැඩියාව සහ පූර් ව දියවැඩියා රෝග නිර්ණය කිරීමට සහ එම තත්ත්ව වල පාලනය අධීක්ෂණය කිරීමට භාවිතා කරන ප්රධාන පරීක්ෂාවකි
- පරීක්ෂාවට පෙර පැය 8–10 ක් නිරාහාරව සිටින්න — සාමාන්ය ජලය පානය කළ හැකිය
- රුධිර සාම්පලය ලබා ගැනීමට පෙර දියවැඩියා පෙති හෝ ඉන්සියුලින් නොගන්න
- අධි රුධිර පීඩන සහ කොලෙස්ටෙරෝල් සඳහා දෙන ඖෂධ සාමාන්ය පරිදි ගත හැකිය
- ≥126 mg/dL ප්රතිඵලයක් දියවැඩියා රෝග නිර්ණය කිරීමට පෙර තහවුරු කළ යුතුය
- ස්ක්රීනිං 35 සිට ආරම්භ කළ යුතුය, අවදානම් සාධක ඇත්නම් ඊට කලින් ආරම්භ කරන්න
- පූර් ව දියවැඩියාව අනතුරු ඇඟවීමකි — ජීවන රටාව වෙනස් කිරීමෙන් දියවැඩියාවෙන් ගැලවිය හැකිය
- ඔබේ ප්රතිඵල සෑමවිටම ඔබේ වෛද්යවරයා සමඟ අර්ථකථනය කරන්න
❓ නිතර අසන ප්රශ්න
නිතර අසන ප්රශ්න
බැහැ. නිරාහාර කාලයේ රුධිර සාම්පලය ගැනීමට පෙර, උදෑසන දියවැඩියා පෙති හෝ ඉන්සියුලින් ගැනීම නොකළ යුතුය. පරීක්ෂණයෙන් පසු, ආහාර ගත් පසු එම බෙහෙත් ලබා ගන්න. නිරාහාර කාලයේදී දියවැඩියා පෙති හෝ ඉන්සියුලින් ලබා ගැනීමෙන් පරීක්ෂණයේ ප්රතිඵලය අඩු කරයි, රෝග පාලනයේ සත්ය ස්වභාවය වෙනස් කරයි. එසේම නිරාහාර කාලයේ එම ඖෂධ ගැනීමෙන් භයානක මට්ටමේ රුධිරයේ සීනි අඩු වීමක් ඇති විය හැකිය.
ඔව්. අධිරුධිර පීඩන සහ කොලෙස්ටෙරෝල් ඖෂධ (amlodipine, losartan, statin ආදිය) ජලය ස්වල්ප ප්රමාණයක් සමඟ සාමාන්ය පරිදිම ගත හැකිය. ඒවා රුධිරයේ සීනි මට්ටමට සැලකිය යුතු ලෙස බලපාන්නේ නැත. කුමන හෝ සැකයක් ඇත්නම්, පරීක්ෂාවට පෙර ඔබේ වෛද්යවරයාගෙන් විමසන්න.
බොහෝ විට නැහැ. ≥126 mg/dL ප්රතිඵලයක් තිබුණත්, වෙනත් දිනක නැවත FBS පරීක්ෂා කිරීමෙන් හෝ HbA1c / OGTT මගින් තහවුරු කළ යුතුයි. දියවැඩියාවේ පැහැදිළි රෝග ලක්ෂණ (අධික පිපාසය, නිතර මූත්රා කිරීම, බර අඩුවීම/ කෙට්ටු වීම) ඇත්නම් එක් ≥126 mg/dL ප්රතිඵලයක් ප්රමාණවත් විය හැකිය.
FBS පරීක්ෂණය සාමාන්ය නම් සහ අවදානම් සාධක නැත්නම්, වයස අවු: 35 සිට වසර 1–3 කට වරක් සාමාන්යයෙන් නිර්දේශ කෙරේ. අධික බර, අඩු වයසින් දියවැඩියාව සැදුනු පවුල් ඉතිහාසය, අධි රුධිර පීඩනය ආදී අවදානම් සාධක ඇත්නම් ඊට අඩු වයසින් ආරම්භ කර, වසර 1–2 කට වරක් හෝ ඔබේ වෛද්යවරයා නිර්දේශ කළ ලෙස කරන්න.
ඔව්. නිරාහාර කාලය තුළ සාමාන්ය ජලය (plain water) පානය කළ හැකිය. ජලය රුධිර ග්ලූකෝස් මට්ටමට බලපාන්නේ නැහැ. කෙසේ වෙතත් තේ, කෝපි, පළතුරු රස, සිසිල් /පැණි බීම (soft drinks) හෝ රසකළ බීම නොගත යුතුය — ඒවා ප්රතිඵලය වෙනස් කරනු ඇත.
FBS පරීක්ෂණය ඔබ පරීක්ෂණය සිදු කළ ඒ මොහොතේ රුධිරයේ ඇති සීනි ප්රමාණය මනිනවා. HbA1c පසුගිය මාස 2–3 ක කාලය තුළ සාමාන්ය රුධිර සීනි මට්ටම පෙන්වනවා. FBS ප්රධාන වශයෙන් ස්ක්රීනිං සහ රෝග නිර්ණය සඳහා භාවිතා කරනවා; HbA1c දීර්ඝකාලීන දියවැඩියා පාලනය නිරීක්ෂණය කිරීමට භාවිතා කරනවා. දෙකම වැදගත් වන අතර බොහෝ විට පරීක්ෂණ දෙකම එකවර ඉල්ලා සිටිනවා.